Vawiin aṭangin Mizoram inpuahchah ṭan dawn

Ranji Trophy-ah Mizoramin October 26-29, 2024 chhung hian Manipur an hmachhawn dawn a, an inkhelhna tur hi Nandiad, Gujarat a ni. Mizoram hian inelna neihna tur hmun Nandiad hi October 22, Thawhlehni hian an thleng tawh a, ni hnih inpuahchahna hun neiin vawiin aṭangin an training ang.

Mizoram hi plate group-ah Goa, Nagaland, Sikkim, Arunachal Pradesh leh Manipur te nen an awm ho a, match hmasa bera Sikkim an hneh loh hnuin Arunachal Pradesh chu 267 runs-in an sawp. Manipur-in Goa leh Nagaland hmachhawn tawhin an hneh lo ve ve.