Thiem-a tan tennis a tawp ta

Dominic Thiem chuan tennis professional match hnuhnung ber a khel ta. Thawhlehni zan khan Erste Bank Open-ah a inlanin, a khingpui Luciano Darderi lakah 7-6 (6), 6-2 in a chak lo.

Thiem hi theihna nei sang takte zinga mi a ni a, kum 2020 US Open nomawi pawh a chawi hial. Mahse, Grand Slam title a lak hnu lawkah banrek hliam vangin a buai zui, zai ni mah se tun hma ang thlapin a dam thei ta lo a ni.

Tun dinhmunah Thiem hi kum 31 mi chauh a la ni, a rualpui dang te chu la inkhel mah se, atan nuamti taka tennis khelh a harsa tawh a, season kal lai tawp ruala inkhelh a chawlhsan tur thu hi a lo puang tawh.

US Open nomawi a chawi bakah hian French Open 2018 leh 2019 khan final a lut a, Australian Open 2020 final a lut bawk. Player ropui bikte ruala rawn chawr chhuak a nih avangin atan Grand Slam title lak tam a harsa.

Thiem hnehtu Darderi hian a match lehpekah chuan seeded pasarihna Jack Draper a hmachhawn leh ang. Inkhel dangah Frances Tiafoe, Lorenzo Musetti, Gael Monfils leh seeded pahnihna Alex de Minaur te chuan an khingpui ṭheuh an hneh bawk.