Real Madrid khan min ringtawk - Toni Kroos

Toni Kroos-a'n kum 34 lek mi nichungin football khelh a chawlhsan a, Real Madrid-ah sulhnu ropui tak a hnutchhiah. German legend Kroos hian Spanish club lian a theihna an rin tlat avangin chhuah tumna a neih ngai loh thu a sawi.

Kroos chuan, "Real Madrid tana kum 10 chhung ka khelh khan, chhuak turin ngaihtuahna ka hmang ngai lo. Club chhunga mi tute pawhin ka theihna an ringhlel ngai lo. Contract pawtsei tur pawhin hun rei kan hmang ngai lo a, minute nga bak kan indawr ngai lo," tiin a sawi.

Chawl tura thuthutlukna a siam hunlai sawi chhuakin Kroos chuan, "Harsa ka tih ber chu, Ancelotti leh ka fapa ka chawlh tur thu hrilh kha a ni. Sawifiah thiam a harsa hle. Ancelotti nen hian kan inngaina em em a, kan la inbe pawp reng. Ka ngaihdan a duh a nih phawt chuan, hrilh turin ka inhawng reng e," tiin a sawi.