G.I.G Motors Inter Village Football Team riat chauhin a la pe

G.I.G Motors Inter Village Football Tournament 2024 chu November hian khelh a ni dawn. Mizoram pum huap inelna a nih avangin team tam tel tura ngaih ni mah se nimin thleng kha chuan team riat chauhin entry an la pe.

Tun ṭum inelnaa champion hian nuai hnih leh sial an dawng dawn. Entry fee Rs 2000 chu October 28, Thawhṭanni tlai dar 4:00 thleng phone number 9862560134-ah GPay hmangin a pek theih a; MFA Office, City Park Aizawl leh LM Store, Bawngkawnah a pek theih bawk.

Entry fee pe tawh, hriat theih chinte chu Armed Veng LC, Ramhlun Sports Complex LC, New Serchhip VC, Lengpui VC, Republic Veng LC, Durtlang LC, Chite Veng LC leh Maubawk LC te an ni.