Volleyball inelna nei mek

Mizoram Volleyball Assocaiton (MVA) buatsaih - MUCO Bank Ltd. MVA Invitation Tournament 2024 chu Tuikual Indoor Stadium-ah khelh mek a ni a, tualchhung team ṭhaten inelna an hmachhawn a ni.

Tournament-ah hian MVA hnuaia Pro Division mipa team paruk - Thutak Nunpuitu Team (TNT), Durtlang North, Tuichangral, Sihphir, Chhinga Veng Spikers leh Khawbel ten inelna an hmachhawn.

Team tin hian league round an khel hmasa, vawi khat ṭheuh an inkhelh kual hnuah a sang pahnihten final an khel ang. Hmeichhe huangah Bungkawn, Luangmual leh Kolasib ten inelna an hmachhawn bawk.

Ruahman dan chuan October 27, Inrinni tlai dar 5:00-ah hmeichhe final khelh tur niin, zan dar 7:00-ah mipa final khelh zui a ni ang. Inkhel hi MVA YouTube-ah live hmanga pek chhuah ṭhin a ni.