India TT team manager tur Lalhunhlua

Khawvel huap Table Tennis (TT) inelna 2024 World Youth Championship neih turah, Mizo tlangval Lalhunhlua chu India team enkawl tura ruat a ni.

Inelna hi November 22-29 chhungin Helsingborg, Sweden-ah neih a ni ang. Table Tennis Federation of India chuan player feh chhuak tur bakah team enkawl tur a puang a, chung zingah chuan Hunhlua hi a tel.

Chawlhhmun tlangval Hunhlua hi Sports Authority of India (SAI), Bolpur, West Bengal-a thawk mek a ni a, kum 27 mi niin India team manager ni tawh zinga naupang ber a ni ang.