Jr. NBA 3v3 Tournament an zo

India rama school naupang basketball hmanga inelna ACG Jr. NBA 3v3 Tournament chu Nilaini khan zawh a ni a, mipa leh hmeichhe team pariat ve vete chu round sang zawk hmachhawn leh turin an tling.

Inelna hi Basketball Federation of India (BFI), NBA India leh Sketchers te ṭangkawpin a buatsaih niin, Dawrpui Multipurpose Center Basketball Court-ah neih a ni.

Jr. NBA program hi kum 2013 aṭang khan India rama khawpui hrang hrang 35 zetah neih a ni tawh a, basketball thehlarna a nih bakah school naupang hriselna kawngah nasa takin a pui ṭhin a ni.

Inelna hi October 27-29 chhungin Bhubaneswar-ah pawh neih a ni dawn - November thlaah Delhi leh Ludhiana lamah te chhunzawm leh a ni bawk ang.