Botafogo-in final an hnaih

Copa Libertadores semifinal first leg-ah Botafogo chuan nimin khan Penarol 5-0 in an sawp. Olympic Stadium, Rio de Janeiro-a inkhelah first half-ah goal a lut lo a, second half-ah Jefferson Savarino-a'n goal hnih khungin Alexander Barboza, Luiz Henrique leh Igor Jesus ten goal khat ṭheuh an khung.

Second leg hi October 31, Ningani hian Uruguay khawpui Montevideo-ah khelh a ni dawn a, Penarol tan thawhchhuah a harsa tawh tawn. South America Champions League-ah Brazil club an che ṭha a, semifinal pakhat zawkah Atletico Mineiro-in River Plate 3-0 in an sawp tawh bawk.