UCL Thlirna Tawi

Tun season aṭangin Champions League-ah team 36 an awm a, group hranpa awm loin table pakhat an inṭawm. Team tin hian match riat ṭheuh an khel dawn a, an mual leh khualmualah match li ve ve an khel ang.

A sang pariatin last 16 an lut nghal ang a, pakuana aṭanga 24-na ten knockout playoff an khel ang. Pakuana aṭanga 16 thleng hi playoff-ah seeded an ni ang a, second leg an mualah an khel dawn.

UCL aṭangin Europa League-ah an tlak thlak theih dawn lo a, 24-na hnuai lam zawng chu an tla nghal dawn. British sports analytics company Opta thlirna aṭang chuan point 16 hmu chin chu a sang pariata awmna chance 98% a awm.

Point 10 hmu chin chu a sang 24 zinga an awmna chance 99% a awm bawk. English club pathum Aston Villa, Liverpool leh Manchester City te chu a sang pathumah an awm a, Opta thlirna aṭang chuan a chhe berah playoff an khel ngei dawn niin a lang.