Mizoram Police FC-in kum 50-na lawm dawn

Mizoram football history-a record nei ṭha bera chhal ngam Mizoram Police FC chuan vawiin hian 1st Bn MAP Ground, Armed Vengah an dincham kum 50-na an lawm dawn.

Golden Jubilee Celebration-ah hian Sports Minister leh MFA president ni bawk Lalnghinglova Hmar chu khuallian a ni ang. Lawmmna hi dar 1:30-ah ṭan a ni ang a, exhibition match a awm dawn.

Exhibition match-ah hian Police player hranghluite an inlan ang. Mizoram Police FC hi kum 1974 khan din a ni a, tualchhung football inelna an thunun ṭhin hle.

MPL awm hnuah Police hian hun rei tak nomawi chawi lo mah se MPL10 khan final-ah Chanmari FC hnehin a vawi khat nan an champion. Coach Lalbiaksanga Colney kaihhruai Polic team hian nikum khan a vawi khat nan All India Police Meet-ah an champion a, kumin I Day Football-ah an champion bawk.