Spanish MotoGP-ah Lorenzo umphak an awm lo

Pathianni khan Spa­nish MotoGP tlan a ni a, an rama intlansiakah hian Spanish rider Jorge Lorenzo chuan pole po­sition aṭanga bul ṭanin intlansiak tawp thlengin tibuai thei tu an awm meuh lo. Training naa a kut zungṭang a tihnat vanga harsatna tawk tura rin a nih laiin intlansiak takah erawh harsatna a tawk lo tih lantirin pakhatna a ni.

Kum 27 a upa Lorenzo hi tun season-ah pakhatna a nih vawikhat na a ni a, intlansiak a hmachhawn tawh zawng zawng aṭang­in vawi 34 pakhatna a nihna chiah a ni bawk.

Kum 36 a upa Rossi hian intlansiak a hma­chhawn tawh zawng zawng aṭangin podium vawi 200 a chuankai theih­na hun tawngin Spain-ah hian pathumna a ni. Yamaha rider hian world championship-ah hma ala hruai chhunzawm zel rih.

Spanish rider Lorenzo chuan, "Austin-ah khan damlohna vangin harsat­na ka nei a, Argentina-ah khan tyre vangin buaina ka tawk bawk. Spain-ah hian ka kut vangin harsatna ka tawk leh ang tih ka hlau hle nachungin harsatna nei loin intlan­siak ka hmachhawn tlang thei a, ka lawm hle. Season kan la ṭan tir chauh a ni a, kawng thui tak zawh tur kan la neih dawn avangin champion tur sawi ala hun rih lo," tiin a sawi.

Spanish Grand Prix results
Pos. Rider Nation Bike
1 Jorge Lorenzo Spain Yamaha
2 Marc Marquez Spain Honda
3 Valentino Rossi Italy Yamaha
4 Cal Crutchlow Britain Honda
5 Pol Espargaro Spain Yamaha
6 Andrea Iannone Italy Ducati
7 Aleix Espargaro Spain Suzuki
8 Bradley Smith Britain Yamaha
9 Andrea Dovizioso Italy Ducati
10 Yonny Hernandez Colombia Ducati

MotoGP World Standing 2015
Pos. Rider Bike Nation Points
1 Valentino Rossi Yamaha ITA 82
2 Andrea Dovizioso Ducati ITA 67
3 Jorge Lorenzo Yamaha SPA 62
4 Marc Marquez Honda SPA 56
5 Andrea Iannone Ducati ITA 50
6 Cal Crutchlow Honda GBR 47
7 Bradley Smith Yamaha GBR 36
8 Aleix Espargaro Suzuki SPA 31
9 Pol Espargaro Yamaha SPA 26
10 Maverick Vinales Suzuki SPA 20