Khawvel beisei phak lo Mayweather vs Pacquiao

Khawvelin a nghakhlel a, a nghak chhuak a, a beisei erawh a hmu lo. Pathianni zing khan tunlai khawvel boxing a chanchin ngah ber pahnih Floyd Mayweather leh Manny Pacquiao te an inhnek a, inveng tluanchhuak Mayweather-a'n hnehna a chang.

'Fight of the century' tia a hming an vuah inhnek hi ṭhenkhat chuan Mayweather khelh dan avangin hmuhnawm lo tiin an sawisel a, chak zawka puan a nih hnu pawn an inhnekna MGM Grand, Las Vegas-a mipui 16,000 pungkhawm te'n an 'boo' hluah hluah.

Inhnek zawhah Pacquiao-a'n chak zawka a inngaih thu leh Maywreather chuan tlanchhiat bak engmah tih a neih loh thu a sawi a, Mayweather-a'n a fin leh rem hriat em vanga chak zawk a nih thu a sawi thung.

Khawvel mipui Pacquiao ṭantu te'n chak zawkah Filipino boxer hi ngai mah se judge pathum te'n 118-110, 116-112, 116-112 a chak zawkah Mayweather an puan vek avangin American boxer a defensive thiam hmingthanpui tu hi tunah chuan WBO, WBC leh WBA welterweight champion a ni vek ta.