Tunge Mayweather-a'n a hnek leh ang?

Kum 38-a upa boxer hian vawi 48 a inhnekah vawi 48 hnehna a chang ta a, a ai record nei ṭha awmchhun chu vawi 49 inhneka vawi 49 chak thei Rocky Marciano chiah a ni. Pacquiao nen an inhnek zawha, "Boxing chawlhsan mai i tum em?" tia zawhna chu Mayweather hian vawikhat dang leh chu inhnek a duhthu in a chhang a, mi tam takin zawhna an nei nghal. Chu chu, "Tunge a inhnekpui leh dawn?" tih hi a ni.

British boxer Amir Khan hming a lo lang nghal a, ani hi Mayweather leh Pacquiao inhnek hmaa a chak zawk zawk tum a chak thu lo tlangaupui tawhtu kha a ni.

Mayweather leh Pac­quiao te inhnek a hmun ngeia en ve tu Amir Khan chuan Mayweather leh Pacquiao te inhnek zawh khan Mayweather-a manager Len Ellerbe chuan inhnek neihpui tura a biak thu a sawi.

Bolton khawchhuak Amir Khan chuan, "A sum leh pai ang zawng pawn hlawkna nasa tak an hmu dawn tih an hriat vangin kei min hmachhawn hi an duh phah a ni. Mayweather-a te lamin inhnekpui ngei min duh rualin Manny Pacquiao te lam pawhin inhnekpui min duh a ni," tiin a insawi pawr hle.

Vawi 33 inhneka vawi 30 chak thei Khan chuan Pacquiao hneh loh Mayweather chu a hneh theih a rin thu sawiin, "Manny-a'n a tihsual lian tak chu Mayweather hmun awl in siam kha a hmang remchang thiam lo a ni. Mayweather hi khelh dan style danglam tak nei a ni a, mahse a kutthlak hi a na lo tih ka hria. Mayweather vawitam tak hneka hneh thei tu boxer chu pakhat chiah a awm a, chu chu Amir Khan a ni," tiin a vau pung a ti na hle

Pacquiao nen an in­hnek zawha ," Amri Khan i hnek dawn em?" tia an zawhna chu Mayweather chuan chhangin, "Chu­tiang ka ngaihtuah lo. Tunah chuan inah haw a, thlamuang taka chawlh hahdam ka duh ber a ni" tiin a chhang.