Rahane ropui zanah Rajasthan an chak
India Premier League-ah Pathianni khan inkhel pahnih a awm a, inkhel hmasa zawkah Mumbai Indians in Kings XI Punjab run 23-a an hneh laiin inkhel hnuhnung zawkah Rajasthan Royals chuan run 14 in Delhi Daredevils an hneh ve leh bawk.
Kings XI ngam loh Simmons
Punjab Cricket Association Stadium, Mohali-a inkhelah Mumbai Indians tan Lendl Simmons a che ṭha a, West Indies batsman hian ball 56 a hmachhawnah run 71 a vawchhuak. Mumbai Indians hian over 20-ah run 172 vawchhuakin mi pathum an hloh.
Kings XI Punjab tan David Miller chuan ball 37 a hmachhawnah run 43 rawn vawchhuak ve mahse a team mate te'n an thlawp ṭha tawk lo a, over 20-ah run 147 vawchhuak hramin mi pasarih an hloh a, run 23 in chak lo zawkah an ṭang ta a ni.
Delhi in Rajasthan an hneh
Thawhṭanni inkhel hnuhnung zawkah Rajasthan Royals tan India batsmam Ajinkya Rahane a 'che' a, kum 26-a upa batsman hian ball 54 a hmachhawnah run 91 vawchhuakin Rajasthan hnehna a chanpui.
Delhi captain JP Duminy-a'n ball 39 a hmachhawnah run 56 lai vawchhuak mahse a team a chhanhim zo lo a, Delhi in over 20-ah mi pasarih hlohin run 175 an vawchhuak a, an chak zo ta lo a ni.