Mourinho fak ang
Chelsea-in Premier League title palina an la a, manager Jose Mourinho tan a career-a trophy 22-na a ni.
Hlawtlinna hnuhnung ber aṭanga chhutin Mourinho hian manager a nih aṭangin match 34 a khelh zawh apiangin nomawi chawi ang a ni.
Kum 2002 khan Porto a enkawl ṭan a, sulhnu ṭha a neih hma hauhin 'The Special One' tihin a inchhal a, a larpui hle bawk.
Chelsea Record
Premier League : 3 (2014-15, 2005-06,
2004-05)
FA Cup : 1 (2006-07)
League Cup: 3 (2014-15, 2006-07, 2004-05)
FA Community Shield: 1 (2005)
Premier League-ah Sir Alex Ferguson-a'n Manchester United ṭum 13 a champion pui a, Mourinho hian Scottish manager hi English champion ang zawngin tluk pha lo mah se trophy lak tam kawngah chuan a cho pha hle.
Chelsea boss hian ram hrang hrang pali league-ah a champion tawh a, Champions League-ah club pahnih a champion pui tawh a, UEFA Cup, FA Cup leh League Cup pathum a chawi tawh bakah Portugal, Italy leh Spain-ah nomawi ṭhahnem tak a chawi tawh bawk.
A ṭha ber?
Mourinho-a'n Chelsea a enkawl hmasak leh hnuhnun belhkhawmin chak percen-tage-ah amah aia ṭha an awm lo. Premier League match 193-ah vawi 135 a chak.
Ngam zawng Liverpool
Season liamta khan Anfield-ah Chelsea-in Liverpool champion kalkawng dalin an hneh a, Premier League-ah Mourinho kaihruai Chelsea-in Liverpool vawi riat an hnehna chiah a ni.
Chelsea manager hian league-a club dang zawng aiin Liverpool an hneh ngun.
Chelsea wins v Liverpool: 8
Chelsea draws v Liverpool: 1
Chelsea defeats v Liverpool: 1
Club lian ngamtu
Mourinho hian champion rinkai club dang lakah record a nei ṭha hle. Liverpool, Manchester United, Manchester City leh Arsenal te ṭum 40 a hmachhawn tawhah vawi thum chiah a chak lo.
Record
Wins v Manchester City: 6
Draws v Manchester City: 3
Defeats v Liverpool: 1
Wins v Manchester United: 5
Draws v Manchester United: 4
Defeats v Manchester United: 1
Wins v Arsenal: 4
Draws v Arsenal: 6
Defeats v Arsenal: 0
Cho sual club
Mourinho hian club lian hneh thei fu siin England hmarchak club-te lakah point a hloh fo. Newcastle hi League-a Mourinho team ṭum thum hneh thei awmchhun an ni a; Middlesbrough, Aston Villa leh Tottenham lakah ṭum hnih ṭheuh an tlawm bawk.
Tlawm ngai lo
Arsene Wenger hian Mourinho team hi a la hneh ngai lo. Amaherawhchu zahna tur a awm lo, Arsenal ang bawka Mourinho enkawl Chelsea la hneh lo Premier League club 19 an awm.
100% record
Mourinho team la hneh lo team 19 zinga team pasarihte hian Portuguese coach lakah point an la hlawhchhuak lo. Chung club-te chu Portsmouth: 7 wins; Hull City: 4 ; Swansea City: 4; Wigan Athletic: 4 ; Cardiff City: 2 ; Leicester City: 2; QPR: 2 ; Sheffield United: 2 & Watford: 2.