Istanbul Open champion Federer

Roger Federer chuan Pathianni khan champion nomawi a vawi 85 nan a chawi. Kum thum chhunga a vawi­khat nan Clay-ah a champion a ni.

Istanbul Open final-ah hian Federer hian khingpui Uruguayan Pablo Cuevas chu 6-3 7-6 (13-11)-in a hneh. Federer hian awlsam takin set khatna chu la mah se set hnihnaah chuan an inbei tawk hle. A tawpah chuan skill leh tawnhriat ngei ṭha zawk a dingchang ta a ni.

Kum 33 a upa Federer chuan, "Clay-ah hi chuan inkhelh hi a harsa ka ti fo ṭhin, mahse tunah chuan hnehna ka chang leh thei ta. Vawiin kan inkhel kha ṭhlir let chuan set thum khelh awm tak niin ka hria, ka khingpui kha player ṭha tak anih avangin kan inbei tawk hle. A tawpah ka vannei chauh mai zawk a ni," tiin a sawi.