Robin van Persie hun a tawp

Manchester United manager Louis van Gaal chuan West Brom laka penalty hlahtu Robin van Persie penalty pet tura thlan hmasak ber a nih tawh loh tur thu a sawi.

Dutch manager chuan, "A (Van Persie) hun a tawp tawh. Wayne Rooney pawhin a hlah a, penalty hlahtu chuan a bul aṭanga an ṭan ṭhat leh a ngai," tiin Van Persie leh Wayne Rooney te aia player dangin penalty an pet tur thu a sawi.

Kum 31-a upa forward hian penalty hmangin West Brom laka an si phurh sutna hun ṭha a neih chu, Baggies keeper Boaz Myhill-a'n a dan sak. West Brom hian Old Trafford-ah a zawnin vawi hnih hnehna an chang.