G.I.G Motors Inter Village Football Entry fee pek tawp ni

G.I.G Motors Inter Village Football Tournament 2024 chu November hian khelh a ni dawn. Mizoram pum huap inelnaah hian team 30 bawr velin entry fee an pe tawh a, vawiin hi entry fee pek tawp ni a ni. Vawiin tlai dar 4:00 thleng phone number 9862560134-ah GPay hmangin entry fee Rs 2000 a pek theih a; MFA Office, City Park Aizawl leh LM Store, Bawngkawnah a pek theih bawk.

MFA-in veng/khua inelna a buatsaih hnuhnung ber chu LBS All Mizoram Inter Village Football Tournament 2022 kha a ni a, Covid-19 zawh hnua inelna buatsaih a nih bawk avangin Mizoram pum a deng chhuak hneh hle.

Inelnaah hian team 204 telin June 24-July 19, 2022 inkar khan neih a ni a, inkhel vawi 203 awmin goal 1,016 a lut. Aizawl District chuan team thawh hnem berin team 103 an thawh a, Mamit-in team 26 zet an thawh. Kolasib (19), Serchhip (15), Saitual (13), Champhai (8), Khawzawl (8), Lawngtlai (6), Hnahthial (3), Lunglei (2) leh Siaha (1) ten team an thawh vek bawk.

Aizawla neih inelnaah Aizawl khaw team pahnih an final a, Champhai Kanan chuan Sialhawk hnehin champion nomawi an chawi a; Champhai Kanan player ṭhahnem takin eizawn nan football an hmang zui a ni.