Bengaluru-in Fran Gonzalez lalut

ATK Mohun Bagan nen boruak an neih reng hnuah Fran Gonzalez chuan season khat chhung atan Bengaluru FC a zawm a, Spanish defensive midfielder hi season hmasa I League a Mohun Bagan an champion theih nan player pawimawh a ni. 

Blasters coach ni ta Kibu Vicuna enkawlna hnuaiah Fran hian midfield leh tlarhnungah a khel kawp ṭhin a, league match 16 a inlanah goal 10 ngawt a khung thei - Bengaluru-in beiseina an nei sang. 

Mohun Bagan leh ATK an inzawm hnuah Kolkata club a contract nei lai Fran hma hun a chiang lo reng a, kum 31 mi midfielder hian Bagan lamin an biak duh loh thu thlengin social media lamah a tarlang. 

Mahse, tun hnaiah Spanish division hniam lama a hun tam zawk hmangtu Fran leh Bagan hi a contract chungchangah an inbe fel niin a lang a, Bengaluru tan a khel 

zui dawn. 

ISL club hian Norwegian striker Kristian Opseth an lakluh thu an puang bawk a, season hmasa khan A League lamah Adelaide United tan inlanin league match 21-ah goal ruk a khung. 

Turkish Super Lig club Erzurum BB tan pawha lo khel tawh striker hian a career-a a hun tam zawk chu Norway lamah a hmang a, Indian football-ah inthlahrun a tum 

lo ang.