Delhi tan Dhawan-a century tawk lo

Kings XI Punjab-in playoff khelh beiseina chhi nung turin Thawhlehni zan khan hmahruaitu Delhi Capitals chu wicket ngain an hneh. 

Dubai International Stadium a inkhelah Dehli-in vuak hmasak an thlang a, run 164/5 an siam. Punjab-in over khat dah bangin run 167/5 siamin hnehna an chang.

Delhi tan opener Shikhar Dhawan a che ṭha leh pek a, ball 61 lekah run 106 a siam a, a dam tluan. Amaherawhchu India opener hian thlawptu a nei ṭha tawk lo a, run 20 siam tling player dang an awm lo.

Kings XI captain KL Rahul (15) leh Mayank Agarwal (9) ten bul ṭan ṭha lo mah se Chris Gayle (29), Nicholas Pooran (53) leh Glenn Maxwell (32) ten chak turin kawng an sial ṭha. Deepak Hooda (15) leh James Neesham (10) ten pressure ngah loin a tawp an khar.

Punjab hian match hnuhnung pathumah hnehna an chang a, point riat an hmu. Zanin dar 7:30 hian Rajasthan Royals leh Sunrisers Hyderabad te an inkhel ang.