FIFA president ni turin a tawp thleng ka bei ang - Prince Ali

Jordan Prince Ali Bin Al Hussein chuan FIFA president chuhna aṭanga inhnukdawk tur anga an sawi chu thuthang dik lo mai mai a nih thu sawiin, May 29-a inthlan tur atan a theihtawp a chhuah chhun­zawm zel tur thu a sawi.

FIFA vice president nilai Prince Ali hi amah ang tho a president chuh tur Dutch FA president Michael van Praag leh footballer ropui chawl ta Luis Figo te nen inthurualin FIFA president nilai Sepp Blatter theh thla thei tur ber an zinga mi chu inthlawp mai an rawt nia sawi a ni. he thuthang awmchhan hi Prince Ali-a'n BBC hnena FIFA president nihna chance nei ṭha ber chu thlawp a ṭhat thu a lo sawi tawh vang a ni.

Kum 39 leka upa Prince Ali chuan, "A tawp thlengin president nih ngei tumin ka bei dawn a ni," tiin inhnuh­dawh tumna a neih loh thu a sawi a, a ṭum nga nana FIFA president nih tum Sepp Blatter chu paihthlak ngei an tum thu a sawi.