Neymar-a'n Messi a fak

Brazil captain Neymar chuan a team-mate Lionel Messi chu player ṭha chungchuang leh leh mipa dik tak a nih thu a sawi.

Messi leh Neymar hian tun season-ah Barce­lona tan goal 84 zet an khung tawh a, Barca hi Champions League semi final an hruai thlen tawh bakah La Liga-ah point hnih­in hma an hruai mek bawk.

Kar tawp inkhel a Barcelona leh Cordoba te inkhelh ṭum khan hun tawp dawnah Barca-in penalty an hlawhchhuak a, goal hnih lo thun lawk tawh Messi chuan hat-trick siam theihna hun ṭha nei mah se penalty hi pet loin Neymar a pet tir zawk a ni.

Kum 23 a upa Neymar chuan, "Leo hi player ṭha bik ani tih chu kan hre vek, ka tan chuan player ṭha bik anih bakah ka ṭhian ṭha a ni bawk. Ani leh Luis Suarez te kianga ka inkhel thei hi ka lawm a, ka tan chuan chawimawina ani hial. 'Messi hi mipa diktak a ni' tih hian a sawifiah chiang viau awm e," tiin a team-mate chu a fak hle.