Gerrard tel loin Liver-pool a kal thei - Hendo

Steven Gerrard-a'n LA Galaxy a pan anga, Liverpool-in an captain ropui tel loin season thar an hmachhawn dawn. Midfielder Jordan Henderson chuan Stevie G tel loa hmasawnna an neih theih thu a sawi.

Henderson chuan, "Gerrard awm lo tur hi team tan chuan channa nasa tak a ni. Stevie hi kan hruaitu a ni a, team tana phurna siam ṭhintu a ni. Chutihrualin a tel loin kan kalzel a ṭul a, a tel loa hmasawn turin player kan ṭha tawk," a ti.

Liverpool captain hian Inrinnia QPR an hneh ṭumin chakna goal a khung a, hemi hma hian penalty a hlah. Gerrard awm loh hnua captain tura rin Hendo chuan, "Stevie dik tak kan hmu. Penalty a hlah avangin pawi a ti ngei ang, mahse a buai phah lo. A chetsualna nuai reh nan chakna goal a khung. QPR nen khan a mize dik tak a lantir a, player danglam bik a ni," tiin captain chhuak mai tur chu a fak hle.