Ramires a ngaihtuahawm loh

Chelsea midfielder Ramires chuan 'kal na' vanga Crystal Palace a hma­chhawn theih loh hnu­in rei lo teah a dam ṭhat thuai a beisei thu a sawi.

Kum 28-a upa Ramires hi Pathiannia Crystal Palace an hma­chhawn ṭumin first eleven-a tel tura tih a ni a, mahse inkhelh hma lawka a 'kal na' a chhuah avangin Chelsea cham­pion-na inkhelah hian a inlan ve thei lo.

Brazilian midfielder chuan, "Inkhelh hma lawk khan ka chau em em a, mahse tunah chuan hahdam takin in lamah ka chhung te nen kan awm leh thei tawh a ni. Thil serious tak a lo nih loh hlauh avangin Pathian hnenah lawmthu ka sawi a, kar rei lote chhungin ka ṭhat chhuah leh ka beisei. Ṭha taka min enkawlna avangin Chelsea medical team chungah lawmthu ka sawi a ni," a ti.

Crystal Palace a hma­chhawn thei lo chu pawi a tih thu sawiin Ramires chuan, "Field chhunga champion lawmtu zinga ka telve thei lo kha chu ka ui khawp mai. Mahse, kan champion vangin ka lawm hrim hrim a ni," a ti.