Thingsulthliah Diakkawn an kal zel

CT Group Cup Inter Branch YMA Football Tournament, 2015 round of 32 chu khelh chhunzawm zel a ni a, nimina inkhelah Thingsulthliah Diakkawn chuan KT Vanlalhruaia leh Lalfelpuia te goal khat ve ve thun hmangin Chite Veng chu 2-1 in an hneh. Chite Veng tan Lalbiakfela chuan goal khat a khung ve bawk.

Aizawl venghlun pahnih Venghlui leh Chaltlang te hun pangngaihah sikhat ve ve thunin an inhneh tawk. Venghlui tan Peter Lalthangmawia goal thun chu Lalawmzual-a'n Chaltlang tan a sut. Goal dang a luh belh tawh loh avangin penalty shootout hmanga chak zawk zawn a ni a, penalty shootout-ah Venghlui hi 6-5 in an vannei ta a ni.

Hun tawp dawn minute thum chauh a awm tawh tihah Hnahlanin goal hnih an chhuah a, Tuivamit tan

MC Lalthansiama leh Vanlalchhana ten goal khat ve ve thun a, Tuivamit-in 2-0 in Hnahlan an hneh.