Pakistan coach a bang

Gary Kirsten chuan thla ruk chhung lek Pakistan ODI leh T20 coach hna a chelh hnuah a bang. Test coach Jason Gillespie chuan hna a chelh lailawk ang a, Shaheens hian November 4, Thawhṭanni aṭangin Australia nen ODI series an khel ṭan ang.

South Africa batter hlui Kirsten hian April thla khan kum hnih daih contract a ziak a, mah se player thlan chungchangah Pakistan Cricket Board (PCB) nen thu an inhmuh loh vanga ngaih a ni.

Kum 56 mi Kirsten hian Pakistan a enkawl hma hian India a enkawl a, kum 2011 khan World Cup-ah a champion pui. Hemi hnu hian an ram South Africa bakah T20 club hrang hrang a enkawl bawk.