Atletico an tlawm ve ta

Tun season-a a vawi khat nan La Liga-ah Atletico Madrid an tlawm a, Pathianni zan khan Real Betis chu khualmualah 1-0 in an ngam lo - Atletico Madrid hi an tlawm avangin league table-ah palinaah an tla zui a, tun season-a an tlawm vawi khatna ni mah se, match 11 an khelh tawhah vawi nga ngawt an khingpui an draw avangin an dinhmun a sang thei lo.

Real Betis hian minute lina lekah inkhela goal awmchhun an khung a, defender Jose Maria Gimenez chuan Abde Ezzalzouli-a cross chu an lamah tilutin, goal dang a lut tawh lo. Atletico Madrid hi Champions League-a rin loh taka Lille laka 3-1 a tlawm hlim an ni a, Diego Simeone-a nauten insiamṭhat an harsat rih hle.