Warriors hnehtu Clippers

Golden State Warriors chu tun season atan a vawi khat nan an chak lo - nimin zing NBA regular season inkhelah Golden State hian Los Angeles Clippers chu 112-104 in an hneh lo.

Chase Center-ah mikhual an tlangnel, hliam vangin Kawhi Leonard inlan thei lo mah se James Harden, Ivica Zubac leh Norman Powell te chuan an team an chakpui - Harden hian point 23 a neih bakah assist ṭum 11 a nei bawk.

Denver Nuggets laka point 37 neitu Powell a hmuhnawm lehpek hle a, point 20 neiin a thawhhlawk - ani bakah hian Derrick Jones Jr. chuan tun season atana a chet ṭhat ber ṭum a tawng, point 18 a nei.

Warriors tan chak loh hi chanchin lawmawm loh a ni a, an chak loh bakah an thiampuipa Stephen Curry chu a kerek vei lam a hliam bawk a, a hliam hi engang taka na nge tih la sawi lo mah se a chawlh rih deuh a ngai dawn niin a lang.