Lalmalsawma Memorial Futsal

Lalmalsawma Memorial Futsal MFA Inter Village Futsal Tournament 2020-ah team 128 an tel dawn a, February 17, Thawhṭanni aṭangin inelna hi ṭan a ni dawn. Inelna buatsaihtu MFA chuan fixtures a tichhuak tawh a, match hmasa berah Zuangtui LC leh Chhinga Veng LC A te an inkkhel ang. 

First round-ah hian match 64 a awm dawn a, February 22, Inrinniah second round lut tur a hriat kim ang. Round of 64 hi February  24-26 chhunga khelh tur a ni a, third round hi  March 3-4 ah khelh a ni dawn. Serchhip-ah KṬP General Conference neih a nih dawn avangin February 27 leh March 1 inkarah inkhel a awm lo ang.

Champion team hian Rs 70,000 a dawng ang a, pahnihnain Rs 40,000 dawngin semi finalist-ten Rs 10,000 ve ve an dawng dawn. Best Player leh Top Scorer thlan a ni dawn a, Top Scorer hi Round of 16 aṭanga chhiar ṭan tur a ni. MFA hnuaia futsal-ah FIFA Futsal Laws of the Game hman a ni ang.