Rawlthar duhawm Lamine Yamal

Kum 17 mi lek ni chunga football khawvela hming chher tak Lamine Yamal chu Kopa Trophy hlan a ni a, he award hi kum 21 hnuai lam player ṭha ber hnena hlan ṭhin a ni - kum 18 hnuai lam zinga he award dawng thei hmasa ber hi a ni.

Barcelona forward hian season hmasa khan Catalan club tan inelna hrang hrangah match 50 khelin goal sarih a khung a, assist vawi sarih a nei bawk.

Euro 2024 champion Spain tan player pawimawh a ni a, Germany-a inelnaah khan assist vawi li neiin, Euro tournament khata assist ngah ber record a nih rual.

Tun season-a match 14 a khelh aṭanga goal ruk leh assist vawi sarih nei tawh Yamal hi Euro-a inlan thei naupang ber, goal khung thei naupang ber leh champion thei naupang ber a ni vek a, Young Player of the Tournament-ah thlan a ni bawk.