Emi, nang aia ṭha an awm lo!

Yashin Trophy - khawvela goalkeeper ṭha ber hnena hlan ṭhin dawngtu chu Aston Villa keeper Emiliano Martinez a ni a, Argentina international hian season hmasa khan he award hi a lo dawng tawh bawk.

World Cup 2022-a Argentina champion theih nana player pawimawh Martinez hian season hman zawh takah khan Aston Villa chu Premier League-ah palina a nihpui a, an club chanchina Champions League an khelh vawi khatna a thlen theih nana player thawhhlawk a ni.

Hei mai a ni lo - Copa America-ah Argentina chu champion nomawi a chawipui bawk a, kum 32 mi keeper hi a lar tlai mah se, ram tana nomawi chawi theih langsar pahnih a chawi fel der tawh.

Kum 32 mi keeper chuan, "Vawi khat chauh pawh he award dawng theitu nih kha a hlu a, a zawna dawn hi chu ka beisei ngai lo," a ti a, a ngaihlu hle - Villa keeper ni chunga khawvel keeper ṭha ber a zawna nih theih hi a ropui hrim hrim!