Bonmati a che 'bon'

Spain leh Barcelona midfielder Aitana Bonmati chuan hmeichhe lama thiam berah thlan a ni a, hmeichhe Ballon d'Or a dawng - kum hnih a zawna a dawnna chiah a ni a, a ropui hle.

Kum 26 mi midfielder hian season hmasa khan Barca chu nomawi pali chawipuiin, Liga F, Champions League, Supercopa leh Copa de la Reina-ah te a champion pui a, goal 19 a khung.

Bonmati hian Women's Nations League-ah Spain a champion pui bawk a, goal li a khung - final-a 2-0 a France an hnehna inkhelah pawh a khung. Bonmati chuan, "Min lawmpuina avangin lawmthu ka sawi a, a vawi hnih nana he award ka dawng thei hi ka lawm hle.

"Mahni mai chuan tih theih a ni lo tih ka sawi fo a, player ṭha tak tak, hma ka sawn zel theih nana min puitute ka neih avang hian ka vannei hle a ni," tiin a ṭhiante vanga award dawng a nih thu a sawi.