Real Madrid an titau

Vinicius-a'n Ballon d'Or a dawng dawn emaw a ti a, ruahmanna a kal thui tawh hle - Paris khawpuia a award dawn lawm dan tur thlengin ruahmanna a siam sa tawh a, mahse, a dawng leh ta si lo!

Thawhṭanni zanah Ballon d'Or sem a ni a, hemi hma hian Real Madrid chuan he award semna hi chhim ngei an tum. Mahse, award sem hmain Vinicius-a'n a dawng dawn lo tih an hria a, Real aiawhte chu Paris khawpuiah hian an kal lo vek!

Hei vang hian Club of the Year award an dawnah pawh Real aiawha lawmthu sawi tur an awm lo! Spanish champion hian season hmasa khan La Liga bakah Champions League leh Spanish Super Cup-ah nomawi an chawi.

Real-in nomawi pathum an chawi theih nana thluak bur, coach ropui Carlo Ancelotti pawh coach ṭha ber lawmman Johan Cruyff Trophy pek ni mah se, he award dawng tur hi a awm lo.