Zanin dar 7:00-ah Chanmari Vs Durtlang

BR Studio MFA Inter Veng Futsal Tournament semifinal hnuhnung zawkah zanin dar 7:00 hian Chanmari leh Durtlang te an inkhel dawn. R. Dengṭhuama Stadium-ah veng lian pahnih an inkhel dawn a, ṭantu pawh an nei ṭha tura ngaih a ni.

Zanin inkhel tur hi 'Red Ribbon Football 2012 final rematch' tiin a sawi theih a, futsal inelna ni mah se football nena sawi kawp hi a sual lo ang. Chanmari 2-1 in an chak a, nomawi hlui bik an chawi. Durtlang erawh ngui takin Chanmari paltlangin an haw thung a, kha inkhel hre pha chin chuan zaninah tlawm nawn an duh lo ang.

Durtlang hi ISL-a pawh inlan thei Ricky Lallawmawma'n a ho a, Lalmuanzova te an kawl bawk avangin Chanmari lakah team ṭha zawkah an inngai ngei ang. Mahse, Chanmari hi MFA Futsal League-ah pawh champion tawh an ni a, AIFF Futsal Championship pawh an khel tawh - Durtlang aiin futsal-ah tawnhriat an nei ṭha zawk.

Inkhel hi BR Studio YouTube Channel-ah a en theih a ni.