Inter Village Football Entry fee pek hun pawtsei

GIG MFA Inter Village Football Tournament 2024 chu ground remchan dan miliin November 12, Inrinniah khelh ṭan a ni dawn. Nimin thleng khan team 80 an inpe lut tawh a, team tel duh tan November 6, Nilaini tlai dar 4:00 thleng entry fee pek hun pawhsei a ni.

Entry fee hi Rs 2000 a ni a, GPay No. 9862560134 bakah MFA Office, City Park Aizawl leh LM Store Bawngkawnah a te pek theih. Entry fee pe tawh team 80 zingah champion lai Champhai Kanan leh Sialhawk te hming a awm lo. CYMA Football hnuhnung ber champion Venghnuai pawh an la inziak lut lo a, final-a an hneh Tlangnuam an tel thung.

Chutihrualin inkhelh thiam veng Armed Veng, Armed Veng South, Bawngkawn, Bethlehem Vengthlang, Chanmari, Dinthar, Durtlang, Electric Veng, Ramhlun South leh Republic Veng te hming a awm.