MPL12 khel tur Ramhlun North?

MPL12 Qualifier-ah vawiin chawhnu dar 2:30 hian MLS FC leh Ramhlun North FC te RG Stadium, Mualpuiah an inkhel dawn. Laldampuia enkawl Ramhlun North hian Kanan FC an hneh tawh a, Lawngtlai club hi an hneh thei a nih chuan MPL12 khel turin an tling ang.

Ramhlun North hian ADFA First Division inelna an khelh zawh chiah avangin RG Stadium an hrechiang lehzual dawn a, hei vang hian MLS club lakah an dinhmun a ṭha zawk.

Chutihrualin, MFA Cup champion lai MLS tan MPL Qualifier hi thil thar a ni tawh lo a, season liam ta pawha an khel tawh avangin huaisen takin bul an ṭan thei dawn. RG Stadium-ah Aizawl club lakah Lawngtlai club fiahin a awm dawn.