Serie A lamah Balotelli a kir

Mario Balotelli chuan club nei loa a awm hnuah a nei ve leh ta - Italian striker hian Serie A club Genoa chu man nei loin a zawm a, inremna hi tun season tawp thleng daih an ziak a ni.

Kum 34 mi Balotelli hian nipui bazar lai khan Turkish Super Lig club Adana Demirspor a chhuahsan a, a hnu lamah club nei loin a awm - tunah chuan anmahni ramah ngei a inkhel leh dawn ta.

Italy tana match 36 kheltu Balotelli hian theihna sang tak a nei, mahse a nungchang ṭha tawk lo vangin a buai ṭhin - kum thum liamta khan Monza a chhuahsan, a hnu lamah tun ṭum hi Italy rama a inkhelh lehna hmasa ber tur a ni ang.

Tunah chian Alberto Gilardino enkawlna hnuaiah Genoa tan a khel dawn a ni a, tun season Serie A match pakua aṭanga point ruk chauh hmu thei an nih avangin hna pawh a hautak dawn hle.

Manchester City tana Premier League nomawi chawi tawh Balotelli chuan, "Sawi vak tur ka nei lo, inkhelh ka chak tawh hle tih erawh ka sawi thei. Khelmual chhunga lut turin ka inpeih thuai ang," a ti.