Bayern tan indahṭhat hun

Zanin dar 1:15 hian Bayern Munich chuan German Cup second round khel turin Mainz an tlawh dawn - Vincent Kompany tan player ṭha zawng zawng chhawr a ngai lo tura ngaih a ni.

Bavarians hi Bundesliga lamah chuan an khel ṭha, chutihrualin RB Leipzig nen point 20 ve ve an nei a, champion lai Bayer Leverkusen chuan an hlat lo bawk, league nomawi hi awlsam taka lak theih a ni dawn lo.

Kompany-a naute hi Champions League lamah an hriam tawk lo a, tun kar laihawla German Cup an khelh bakah hian kar tawpah Bundesliga khelin chumi hnuah UCL an khel zui dawn, match khelh tur an ngah avangin Mainz khelmualah a ṭha zawng zawng an inlan a rinawm loh, mahse Bundesliga club tho an nih avangin zuam sual erawh thil awm thei a ni.