Dawhtheihna ka mamawh - Halep

Hun rei tak chhung hrem a nih hnuah Simona Halep a inkhel thei leh ta a, result ṭha neih nghal erawh a awlsam lo - Romanian star chuan ṭha taka khel leh tur chuan dawhthei taka a nghah a ngai tih a sawi.

Kum 33 mi Halep hi damdawi hman phal loh a hman avangin hrem a ni a, a tirah chuan kum li chhung atan hram a ni. Mahse, a hnuah hremna hi thla kua atan pawh tawisak a ni leh ta zawk.

Hong Kong Tennis Open-ah a inlan a, world number 1 hlui hi Chinese nula Yung Yae lakah 6-3, 6-3 in a chak lo. Tun hma lama a ṭhatna anga khel chhuak leh tur chuan hun a mamawh dawn tih a chiang.

Halep chuan, "Ka khel chhia ka ti hran lo, chutihrualin ka khingpui khan a khel ṭha em a ni. Tun hma angin inrintawkna ka la nei sang tawk lo a, chuvangin ka tan chuan dawhthei taka nghah rih a ngai," tiin a sawi.