Madrid Open ṭan a ni ta

Clay court tournament Madrid Open chu Thawh­lehni aṭang khan khelh ṭan a ni leh ta. Hmei­chhe champion lai Maria Sharapova chuan a match hmasa berah Mariana Duque-Marino a hneh.

Kum 28 a upa Shara­pova hian tun season bul a ṭan fuh vak lo a, a zawna tournament pathuma a chak loh hnuah Madrid Open last 16 thleng turin 6-1, 6-2 in Marino a sawp a ni.

Sharapova hian Madrid Open final a thleng thei a nih chuan Simona Halep lehpelin World number 2-ah a in hlangkai ang.

Seeded palina Czech Petra Kvitova chuan American Coco Vande­weghe chu 6-4, 2-6, 6-3 in a hneh bawk. Top seeded Serena Williams hma­chhawn turin Victoria Azarenka chuan Ajla Tomljanovic chu 6-3, 6-3 in a hneh bawk.

Mipa lamah seeded pangana Milos Raonic chuan Juan Monaco chu 6-3, 6-4 a a hneh bakah seeded 13 na Gael Monfils chuan 6-2 6-0 in Serb Viktor Troicki a hneh bawk. Inkhel dangah seeded 10 na Grigor Dimitrov-a'n Donald Young chu hliam vanga a inhnuhdawh vangin 6-4 3-0 in a hneh thung.