Beijing a inlan lo tur Jo Pavey

British infiammi, European 10,000m gold medallist Jo Pavey chuan kum 2016 Rio Olympic atan inbuatsaih ngawrh a duh vangin August a World Championship Beijing a neih turah tel a tum loh thu a sawi.

Kum 41 a upa Pavey, Zurich a 10,000m intlan­siaka pakhatna chuan, "Beijing leh Rio-ah ka intlansiak leh ve ve a nih chuan kum thum chhungin intlansiak hautak tak tak pathum ka hmachhawn dawn tihna a ni a, hei hi ka hriselna atan a ṭhat loh bakah inlam ka ngaihtuah a ngaih tawh avangin ka tan a harsa. Ka fate ngaihtuah an ngaih tawh bawk avangin inah ka awm tam angai a, a chhan bulpui berah chuan Rio Olympic inbuatsaih na atan hun tam zawk ka duh vang a ni," tiin a sawi.

Kum 2004 Common­wealth 5,000m intlan­siakah pawh bronze medal lo la tawh chuan sawi chhunzawmin, "Nikum khan ka thawkrim in ka chau em em a, khatiang bawka kuminah ka tih leh chuan nakumah ka tawngkhawng mai ang tih ka hlauthawng. Kan chenna ai chuan Beijing chu a lumin a hnawng zawk ngei bawk anga, chuvang chuan ka tan kal loh a fuh zawk ang," tiin a sawi.