Delhi an chak zo lo

Thawhlehni khan India Premier League-ah Delhi Daredevils leh Mumbai Indians an inkhel a, mual neitu Mumbai lakah Delhi hi wicket nga in an tlawm.

Wankhede Stadium, Mumbai-a inkhelah Delhi Daredevils an bat hmasa zawk a, over 20-ah run 152 vawchhuakin mi paruk an hloh. IPL 8 a khelh chhiat vanga sawisel hlawh Yuvraj Singh-a'n a thiam a la theihnghilh lo tih tilangin ball 44 a hmachhawnah run 57 a vawchhuak a, IPL-a hlawh hnem ber Yuvraj hian a team che chhe lutuk tur a rawn chhanhim.

Yuvraj Singh che ṭha viau mah se a team-mate te'n a n thlawp ṭhat tawk loh avangin an chak zo chuang lo a, Mumbai Indians chuan over 19.3-ah run 153 vawchhuakin mi panga an hloh a, chak zawkah an ṭang.

Vawiin inkhel tur

Brabourne Stadium, Mumbai-ah Rajasthan Royals leh Sunrisers Hyderabad te tlai dar 4:00-ah an inkhel anga, zan dar 8:00-ah Kolkata Knight Riders leh Delhi Daredevils te Eden Gardens, Kolkata-ah an inkhel bawk ang.