Parasite director-in KDB zanriah kilpui duh

Thawhṭanni zinga sem Oscars award-a chawimawina pali ngawt dawngtu Parasite director Bong Joon-ho chuan Manchester City playmaker Kevin De Bruyne chu zanriah kilpui a duh zingah a telh!

South Korean film siamtu lar hian thla thum liam ta khan ‘reddit’-ah zawhna leh chhanna hun a siam a, zawhna tam tak a dawn zingah zanriah kilpui a chakte an zawt. 

Bong Joon-ho hian legendary film director Alfred Hitchcock leh Martin Scorsese, South Korean Olympic figure skater hlui Yuna Kim, Led Zepellin dintu leh guitarist Jimmy Page te hming a sawi lang a, an zingah hian Kevin de Bruyne pawh a telh!

Oscars-a Parasite a chet ṭhat avangin Bong Joon-ho hian ngaihven a hlawh thar a, football khawvelah pawh a zanriah kilpui châk zinga KDB a lo telh hian sawi a hlawh hle.