YMA FOOTBALL - Vawiin Thingtlang inlan ni

Dinthar, Bethlehem Vengthlang, Venglai chak

CT Group Cup Inter Branch YMA Football Tournament, 2015 round of 32 chu vawiinah match thum khelh leh tur niin thingtlang veng pathum Lengpui, Sihphir leh Bungtlang te an inlan ang.
Nimina Lammuala inkhelah Dinthar, Bethlehem Vengthlang leh Aizawl Veng­laite'n an khingpui hnehin Round of 16 an lut.
Match hmasa ber hi chaw­hma dar 10:00-ah khelh ṭan leh a ni ang a, Leitan leh Chhinga Veng an inhmachhawn ang. Leitan hian round of 32 thleng turin Sateek (2-1) leh Dampui nen (P 5-4) te an hneh. Chhinga Veng hian sikhat faia Phulpui an hneh hunah 3-0 in Tanhril Vengthar an hneh bawk.
Chhun dar 12:00-ah Lengpui leh Sihphir te an inkhel ang. Lengpui hian sihnih faia Muthi an hneh hnuah Seling chu penalty shootout-ah 4-2 a hnehin round of 32 in an in pet tling a ni. Round od 32 kalkawngah Sihphir hian Khatla South chu 3-1 a an hneh bakah Khawzawl Vengthar chu (P 4-2) in an hneh bawk.
Inkhel hnuhnung ber dar 2:00-ah Falkawn leh Bungtlang te an innuai bawk ang. Falkawn hian round of 32 thleng turin an khingpui Tlangnuam 'W' (P 4-3) leh College Veng (P 5-3)-in an hneh. Tun tournament-ah Bungtlang hi seeded an nih loh avangin vawithum an khel tawh a, Ramhlun Sports Cplx (P 5-3), Tuikual 'S' (2-0) leh Dawrpui Vengthar 1-0 in an hneh bawk.