Sturridge an zai hlawhtling

Liverpool striker Da­niel Sturridge chu United States-ah a khel bawr hlawhtling takin an zai.

Kum 25-a upa Stur­ridge hi March 22 khan Manchester United 1-2 a an hneh loh ṭumin a inhliam a, hemi hnu hian match hnih chiah a khel a, a dam chian theih loh avangin zai hi a ngai ta a ni.

Sturridge chuan, "Ka khel bawr hlawhtling takin an zai tih hi khaw­velin hria se ka duh a, hun rem­chang min petu Pathian chungah ka lawm a ni. Hun harsa ka hmachhawn laia min ṭawiawmtu zawng zawng chungah lawm takzet," tiin a sawi.

England forward hian nikum khan Liverpool tan match 33 khelhah goal 24 a khung a, tun season-ah erawh inhliam vangin match 18-ah chiah a la inlan.

Thla nga chhung in­hliam vanga a awl hnuah Sturridge-a'n a malpui hliam vangin nikum September thla khan ram tan inlan ve thei lo. Hemi hnu hian club tan rawn inlan leh mah se chawn na vangin a buai leh a, tunah hian Los Angeles-ah enkawl mek a ni.