Atletico Mineiro-in final an lut

Copa Libertadores-ah Atletico Mineiro-in River Plate hnehin final an lut. Brazilian club hian River Plate hi an mualah 3-0 in an hneh tawh a, nimin zing khan Buenos Aires-ah Argentine club nen goal awm loa inhnehtawkin aggregate-ah 3-0 in an chak.

Monumental de Nunez Stadium-ah entu 80,000 an pung khawm a, an thawm pawh a ṭha. Mahse, Mineiro an buai phah lo a, goal chance pawh an nei ṭha zawk.

South America Champions League-ah hian tun hnaiah Brazilian club an che ṭha a, inelna hnuhnung pangaah an champion. Tukinah Botafogo-in Uruguayan club Penarol an hmachhawn dawn a, Brazilian club hi an mualah 5-0 an chak tawh avangin kumin inelnaah pawh Brazilian club an champion leh ngei a rinawm hle.