Ronaldo-a'n penalty a hlah

Cristiano Ronaldo chuan hun tawp dawnah goal khung theihna tur remchang ṭha bik a nei a, mahse penalty a hlah! Ronaldo khelhna Al Nassr hi Al Taawoun lakah 1-0 in an chak lo - King Cup of Champions 2024-25 khelh laia last 16 aṭangin an tla zui nghal a ni.

Thawhlehni zan khan Al Awwal Park-ah team pahnihte hi an intawng a, goal awmchhun hi Waleed Al-Ahmed-a'n second half-a a khung a ni a, mualneitu lamin an chhanglet thei lo.

Al Taawoun lamin Ronaldo an veng thiam hle a, penalty a hlah hma hian freekick a pet chu goal zawnah a kal lo, hemi pahnih bak hi chu goal khung theihna remchang pawh an siamsak lo a ni.

Al-Nassr hi Stefano Pioli-a enkawl an ni, AC Milan manager hlui hian September thla khan Luis Castro thlakin Saudi Arabian club hi a enkawl ṭan a, tun ṭum hi an tlawm vawi khatna a ni.

Pioli chuan, "Match pumpui chu kan khel chhe lo, mahse goal kan khung thei lo kha a pawi a ni. Kan chak loh avangin pawi ka ti a, chutihrualin nomawi chawi theih tur pahnih kan la nei, chumi atan chuan rilru kan seng tawh zawk ang," a ti.