Son Heung-Min tan chawimawina

South Korea forward Son Heung-min chu Asia International Player of the Year atana thlan a ni leh ta, he chawimawina hi Asian Football Confederation hnen aṭangin vawi li ngawt a dawng tling ta a ni.

Son hi tun dinhmunah a khelhna Tottenham Hotspur leh an ram South Korea tan captain a ni ve ve, kum 2015, 2017 leh 2019 te khan chawimawina hi a lo dawng tawh a, kuminah hian Bayern Munich defender Kim Min-Jae khumin award hi a dawng.

Kum 32 mi Son-a hian Tottenham tan Premier League goal 123 a khungsak tawh a, heng bakah hian a ṭhiante khung tur vawi 64 a siamsak tawh bawk - Asian player zingah chuan EPL khel hlawhtling berte zinga mi a ni.

Asian player zinga a hmasa ber ni turin kum 2021-22 season khan EPL Golden Boot a lo dawng tawh a, tun thlengin a sulhnu zui thei an la awm lo hial.

Mimal chet dan aṭanga teh chuan Son-a hi a hlawhtling hle, chutihrualin a khelhan Spurs tan hian eng nomawi mah a la chawi miah lo a, an ram South Korea tan pawh hian senior huangah hlawhtlinna a la chang lo.

A vanduai zawkah a ṭang thei hle - Taegeuk Warriors tan AFC Asian Cup 2015 final a thleng a, Spurs tan pawh UEFA Champions League (2018-19) leh League Cup (2020-21) final te kha a khel tawh, mahse a champion lo zawkah a ṭang vek a ni.