UCL khel lo tur Douglas Costa

Juventus chuan hliam vangin winger Douglas Costa chu thla khat chhung vel an chhawr thei dawn lo, tun thla tawp lama Lyon nen Champions League last 16 first leg an khelh hunah a inlan ve thei dawn lo tihna a ni.

Brazil international Costa hi Serie A match an khelh hnuhnung bera Hellas Verona an hneh loh ṭumin a malpui a hliam, a hliam endik a nih hnuah a chawlh hun chhung tur hi tih chian a ni chauh.

Kum 29 mi Costa hi season kal laia Juve player pawimawh zinga mi a ni, Champions League a khelh theih dawn loh bakah March 1-a an elpui Inter Milan nen an inkhelh hun tur atan pawh a dinhmun a chiang lo - Turin club tan channa nasa tak a tling.

Maurizio Sarri naute hi Serie A lamah an nomawi kawl lai a nghing mek a, Coppa Italia leh UCL khelh an ngaih bawk avangin player an mamawh hnem. Italian manager chuan, “Hlawhtlinna hi awlsam taka chan ngawt theih a ni lo, inhliam pawh infiamnain a ken tel a nih avangin kan pawm thiam a ngai. 

“Kan hmabak a la thui a, midang chetsual leh khelh ṭhat loh chang loin keimahni ngeiin kan hmaa tih tur awm chu kan chingfel thei tur a ni, chumi tur chuan kan thawhrim leh zual a ngai,” tiin a sawi.