Saitual district champion Venglai FC

Venglai FC chuan final vawi li an khelhnaah nomawi an chawi ta - Saitual District 1st Division League khelh zawh takah Venglai FC hian Rulchawm FC chu 3-2 a hnehin an champion.

Inelnaah hian Saitual District Football Association hnuaia team ṭha pariat Sihfa FC, Saitual Chawnpui FC, Saitual Venglai FC, Saitual FC, Saitual Kanen FC, Keifang Kanan, Keifang Leitan leh Rulchawm te an inlan.

Keisang Centenary Sports Complex-a inelna neihah hian team pariatte hi group pahnihah ṭhen hran an ni a, an inkhelh kual hnuah a sang pahnih ten semifinal an khel a ni.

Saitual Venglai hian semifinal-ah Keifang Venglai chu 9-0 in an sawp a, nomawi inchuhna inkhelah Rulcham an ngam zui leh bawk. Inelna vawi li neih tawhah Venglai hian final an lut kim vek a, tun ṭumah hian a vawi khat nan an champion.

Venglai an champion theih nana goal ruk khungtu F. Lalhmangaihzuala chu top scorer a ni a, best player atan Zakaria Lalhriatpuia thlan a ni bawk. Venglai hma hian Venghlun chu vawi hnih an champion tawh a, anni bakah hian Melveng an champion tawh bawk.